Willemstad, Roland (Pachi) Damon ta bek huntu ku su grupo PRO-Arte. Tur aña pa e mes un temporada Pachi Damon ta saka su komedia nobo. E aña aki e komedia ta titulá “Mal Moda Mal Manera” E komedia aki lo keda presentá den Teatro Luna Blou dianan 29 i 30 di mart. Manera ta konosí Pachi su komedianan ta realidat nan di bida trese den un forma humorístiko dilanti, kaminda e públiko por gosa di dje pero alabes bira konsiente di loke ku ta pasa rondó di nos. Esaki ta e kaso di e komedia nobo “ Mal Moda Mal Manera” ku ta bai tokante situashonnan kaminda e tema aki ta bin dilanti. Un di e situashon nan ku nos lo haña mira den e komedia aki ta e manera kon un dòkter interpretá pa Edion (Loloy) Booy  ta trata su pashèntnan òf ora ku bo yega un kaminda sin kuminda, ku no ta un obligashon pero e ta un desensia. Kon un hende hòmber ta trata su kasa dilanti di hende etc. “Mal Moda Mal Manera” Estreno djadumingu 29 di mart nueb’or di anochi. Siguiente funshon lo ta djadumingu 30 di mart tres or di atardi i och’or di anochi. Karchi ta na balor di Nafl 30,- pero si bo tin e karchi di miembresia di Teatro Luna Blou & La Tentashon bo ta hañ’é pa Nafl 27,50. E karchi di miembresia ta optenibel na Takia di Teatro Luna Blou òf na Time To Time (saliña.