Damacor—Djasabra atardi, representantenan di Maduro & Curiel’s Bank i organisadonan di Buki Mundial 2014 a yega na un akuerdo pa asina duna MCB e opshon pa patrosina portada di e buki. E akto ofishal a tuma luga na Rio Sports Bar na kual okashon sr. Jerry van Gijn tabata presente representando MCB ku asistensha di hefe di Relashonan Publiko i Merkadeo sra. Caroline Sluis Gibbs i tambe Mariela Romero. MCB pa 28 ana konsekutivo, esta 7 munial ta sostene produskhon di e Buki Mundial. Prome di a firma e akuerdo di patrosinio, sr van Gijn a yama danki na e organisadonan i konfirma ku MCB ta kontentu di e tuma e desishon pa ta riba portada di un  buki asina importante pa Korsou durante di e kampeonato mundial. Meskos ku tabata e kaso durante e último 6 Kopanan Mundial, e Buki -, lo kontené mas dato, mas istoria, leyendanan, e streanan,e skèdjel, i naturalmente análisis di tur e 32 paisnan/ekiponan partisipante na Mundial Brazil 2014. Un produkshon ku tei surpasá 148 página! Riba e fotonan momento ku sr van Gijn di MCB a konfirma nan partisipashon riba portada di Buki Mundial 2014. Tambe por mira riba e otro foto, d.r.p.d., Jery van Gijn di MCB, Lilo Sulvaran, Gianni Francisca, Juni Marselia, enkarga ku produkshon i Remfis Donker enkarga ku datonan istorial di e buki.