WILLEMSTAD-JUNI: Klientenan mester a ‘deskubrí’ e premio di Digicel pa por a gana un Samsung Galaxy S4. Durante di algun dia klientenan atento a partisipá na e wega ‘Digicel S4 Quest’, e tesoro aki por a wòrdu deskubrí si nan a sigui e pistanan ku a wòrdu duná den programa di Dj Jürgel na Radio Mas 99 i riba e página di Facebook di Digicel. E premio tabata skondí na un lugar misterioso, e kliente ku deskubrí e tesoro ta gana e premio! E búskeda a kuminsá siman pasá djaweps i a tèrminá djaluna anochi, ora ku Stevenson Schoop a deskubrí e ‘Digicel S4 Quest’. Durante di 5 dia, Stevenson a akomulá e pistanan via di radio i facebook pa porfin gana e premio. E ‘tesoro’ di Digicel konteniendo e premio, un Samsung Galaxy S4 tabata bon skondí na Meteorologische Dienst riba Ser’i Mahuma. “Por sigui spera tipo di kampaña manera esaki, nos klientenan a gosa mashá. Ta e idea pa nos klientenan ta interaktivo ku Digicel i athuntu den forma edukativo pasa un ratu kontentu. Nos ta gradisí tur ku a partisipá i ta invitá un i tur pa keda pendiente pa e siguiente akshon promoshonal”, relashonista públiko di Digicel, Srta. Thessa Fleming. Resientemente Stevenson a bishitá Digicel MegaStore na Biesheuvel pa risibí su premio. Riba fotonan athuntu por haña un impreshon na momentu ku Stevenson Schoop a risibí su premio serka relashonista públiko di Digicel, Srta. Thessa Fleming.