Ku deporte i wega tin un efekto positivo riba bienestar di hende ya tabata pa basta tempu kaba konosí. Investigashon na Curaçao Soccer Academy a demostrá awor ku entrenamentu  deportivo regular den kombinashon ku guia di tarea pa kas i entrenamentu di abilidat ta influensiá prestashonnan di siñamentu, komportashon en general, konsentrashon i aktitut di trabou positivamente.

Curaçao Soccer Academy, a start na febrüari 2012, i ta ofresé futbolistanan hóben (edat di 9 te 14 aña) un programa balansá pa asina desaroyá nan talentonan mas ampliamente posibel. Banda di desaroyá i mehorá nan abilidatnan futbolístiko, ku e meta pa praktiká e deporte riba nivel profeshonal ta dediká ampliamente atenshon na guia di tarea pa kas i formashon sosial.

Na e momentonan akí tin tres sekshon ta entrená (U-10, U-12 I U 14). Kauter bes pa siman na Academy, ademas di e entrenamentunan i kampeonatonan na nan respektivo klupnan. Ta buska e hungadónan na nan skol, nan ta haña un kuminda balansá i komponé pa un dietista, nan ta traha i siña bou di guia nan tarea pa kas i nan ta traha riba formashon sosial, promé ku e entrenamentu di futbòl kuminsá. Ku e nivel di wega denter di mitar aña a bai konsiderablemente dilanti a keda demostrá klaramente na mart último ora e selekshon U-13 a bira kampeon invikto na e di kuater torneo Himno i Bandera na Aruba. Diferente investigashon den estranheria a demostrá ku praktikamentu di deporte tin un influensia positivo riba konsentrashon i riba motivashon intrénsiko di e deportista hóben – no solamente pa loke ta trata deporte pero tambe riba su skol. Ku e prestashonnan eskolar no ta sufri a kousa di e programa intenso ta pa Academy por lo mínimo mes importante. Pa haña un bista riba esaki i alabes pa evaluashon di e programa mes ku ta na vigor kasi un aña i mei, Curaçao Soccer Academy a laga investigá den ki grado e programa di Academy tin influensia riba e prestashonnan eskolar di su talentonan futbolístiko. E investigashon ku a tuma 16 siman di durashon a buska kontesta riba e pregunta: Kiko ta influensia di Curaçao Soccer Academy riba e resultadonan eskolar di e muchanan for di e tempu ku nan ta konektá ku C.S.A.? i ku a keda ehekutá pa Tim Beuckens i Johan Brouwer enkargá pa Curaçao Soccer Academy i Hogeschool ‘Inholland’, na Haarlem. Despues di un asina yamá ‘desk-research’ profundo nan a traha un profil di método di investigashon (ku entre otro entrevista ku kabes di skol i/o dosente, skemanan di kambio den kondukta i komportashon i komparashon di sifra di rapòrt) pa por tèst si e resultadonan eskolar, e motivashon, konsentrashon i abilidat sosial di e 52 pupilonan di Academy a kambia durante e aña ku a pasa. For di e resultadonan di e investigashon di Beuckens i Brouwer aktualmente a bin sali na kla ku for di tempu ku e muchanan ta partisipá na e programan di Academy, nan motivashon i konsentrashon a mehorá konsiderablemente. Tambe nan komportashon i desaroyo sosial-emoshonal (kortesia, traha i hunga huntu) a demostrá un kambio notabel den sentido positivo. Tur e mehorashonnan akí ta tradusí nan mes den adelanto indikativo den resultadonan di rapòrt di e aña ku a pasa. Konklushon di e rapòrtahe i e kontesta riba e pregunta di investigashon ta ku:  Curaçao Soccer Academy tin un influensia positivo riba e resultadonan eskolar di e muchanan ku ta konektá na Academy. Curaçao Soccer Academy ta trese dilanti ku e ta sinti su mes fortalesé dor di e resultado akí i lo sigui riba e kurso di e kaminda ku e ta bayendo. Academy ta trese e deseo pa laga e programa akí sirbi di ehèmpel pa desaroyo deportivo pa hóbennan na Kòrsou.

Curaçao Soccer Academy ta un inisiativa di Fundashon Bon Intenshon en kooperashon ku FFK. Guia diario ta den man di Hans van Elden i su tim.

Informashon di kontakto:

Hans van Elden – tel. 514 9491

email: hans.vanelden@gmail.com

Informashon adishonal tokante aktividatnan di CSA ta na:

www.curacaosocceracademy.com i https://www.facebook.com/pages/Curacao-Soccer-Academy