…a keda demostrá ku e Z10 ta e telefon mas popular riba merkado!

WILLEMSTAD-JUNI: Na komienso di luna di Mei Digicel a introdusí e Blackberry Z10 riba merkado, den apénas un luna di tempu e’la bira e telefon mas popular. Esaki mes tabata motibu pa kual Digicel a organisá un dia di ‘training’ pa tur kliente. E demostrashon, duná dor di un representante di Blackberry a bai masha bon mes i e reakshon di parti di e partisipantenan tabata sumamente positivo. E training a kuminsá den oranan di mainta na Digicel Megastore Biesheuvel; tur esnan ku tabata tin interes pa sá un poko mas di e telefon aki por a partisipá grátis. Durante di e demostrashon klientenan a siña kon pa saka máksimo probecho di nan telefon i e diferente aplikashonnan ku e tin. Tur ku a bishitá e dia di training a yena un kupòn pa partisipá i gana un Blackberry Z10. Tabata Sr. Edward Otto ku a gana su Blackberry Z10 pa kortesia di Digicel. “Nos ta kontentu ku e kantidat di partisipantenan ku a bishitá nos dia di demostrashon, tabata un dia kargá ku informashon balioso pa tur usuario di Blackberry. Nos klientenan mester keda pendiente pa diferente otro promoshon ku nos tin na kaminda”, esaki di akuerdo ku Thessa Fleming, relashonista públiko pa Digicel Kòrsou. Kòrda ku e Blackberry Z10 por wòrdu uzá komo post-paid òf pre-paid, pues hasi Digicel un bishita i tuma nota di e diferente opshonnan i e mihó paketenan di servisio ku e tarifa di yamada mas abou riba nos isla! Riba foto athuntu momentu ku Sr. Otto ta risibí su Blackberry Z10 for di Srta. Thessa Fleming relashonista públiko pa Digicel Kòrsou.