Willemstad, despues di 10 aña largu e sala di Teatro Luna Blou ta den renobashon. Na kuminsamentu di e luna aki a kuminsá ku e restourashon di e flur di teater di Kòrsou. Esaki a pone ku e sala e sera su portanan pa tur aktividat ya asina por traha trankil riba e flur pa por sigui ofresé henter e pueblo di Kòrsou un mihó servisio. Ta premirá ku e flur lo ta kla despues di Karnaval. Mirando esaki e Pelíkula Sensei Redenshon di German Gruber Jr. ku tabata programa pa dia 5, 6 i 7 di mart ta skùif un siman. E pelíkula lo bira dia 12, 13 i 14 di mart och’or di anochi na Luna Blou. Luna Blou ta un sala multi-funshonal kaminda por pone diferente aktividat nan manera Kasamentu, Risibimentu, Resepshon i hopi mas. Sea den e sala mes kaminda tur e stulnan por hala sera òf na e teras kaminda tambe por hasi esaki. Otro sala ku ta den funshon ta La Tentashon e yu di Teatro Luna Blou. E siman aki a amplia e tribuna nan un tiki mas ya asina por akapará mas hende. Un total di 240 hende por sinta kómodo i disfrutá di produkshonnan lokal i internashonal. Aparte di e stulnan kómodo La Tentashon su sala ta full aerekondishona i ta disponé di un tremendo instalashon di sonido. Tambe La Tentashon a amplia su lusnan ku e estilo moderno di LED ku ta sòru pa efektonan super sofistiká. Durante añanan poko poko pero sigur e “loods” aki a kuminsá haña forma di teater i pa tur esnan ku konosé e La Tentashon bieu esaki ta e oportunidat pa bo sera konosí ku un La Tentashon nobo i alabes por disfrutá di “Bululu Formal Riba Ruta di Karnaval” dia 21 i 22 di feb nueb’or di anochi. Danki na tur e spònsernan ku a yuda ku e mantenshon di Luna Blou La Tentashon durante e aña nan aki. Stichting Kultur-A,OBNA, Korpodeko i Maduro & Curiels Bank. Pa mas informashon por yama 4622209. Bo por bishita nos página wèp. www.lunablou.com, www.latentashon.com òf tira un bista riba facebook: Teatro Luna Blou òf la tentashon.