Renaissance Aruba Resort & Casino ta orguyoso

ORANJESTAD –Februari – Recientemente Renaissance Aruba Resort & Casino su BLUE Bar a ricibi nominacion pa e bar di mas sexy den Caribe pa USA Travel Experience Caribbean. E reconocimento internacional aki a bini na un momento apropia mirando cu BLUE Bar a caba di pasa den un trayecto di remodelashon. USA Today Travel Experience Caribbean conoci pa ta brinda amantenan di biahe un lista di recomendacion di destinacionnan turistico mescos tambe comparti experiencianan di biahe a duna BLUE Bar un reconocimento special como e bar di mas sexy den Caribe hunto cu diferente otro barnan na islanan manera; Jamaica, Barbados, Anguilla, St. Tomas, Nevis y Sint Maarten. E reconocemento aki ta corona esfuersonan cu ta wordo haci pa cumpli cu exigencianan internacional y tambe e posibilidadnan pa competi den e mercado turistico. BLUE Bar situa den e lobby di Renaissance Marina Hotel awor ta mas grandi, moderno y ta dispone di mobilario nobo cu ta accentua moda y estilo. Como centro di e escena social  BLUE Bar ta brinda su bishitantenan internacional i local, Happy Hour tur dia di 4:30pm pa 6:00pm. Como bebida signatura BLUE Bar ta ofrece su Blue Sky Martini mescos tambe; Appletini, Chocotini, Violet Martini, Mojito, Cocktailsnan clasico cu toke diferente y sin lubida e cerbesnan Balashi y Balashi Chill y hopi mas. Ademas di esaki BLUE Bar ta ofrece Sushi of Burgers como opcion perfecto pa lunch of tapas pa dinner. Na momento cu solo baha e ambiente ta continua riba pool deck cu musica suave. Di diahuebs te diadomingo tin DJ’s. Manera ya ta un custumber Renaissance Aruba ta ofrece experiencianan interactivo via di eventonan RLife Live cu ta brinda huesped y bishitantenan e oportunidad di disfruta di eventonan musical, culinario y artistico na BLUE Bar y Marina pool deck. Renaissance Aruba Resort & Casino ta honra cu e reconocimento;  trabounan duro y empeño pa ofrece semper e miho a hiba na e nominacion aki. Diariamente ta traha pa mantene standartenan halto di servicio. E reconocimento den USA Today Travel Experience lo sirbi como un empuhe extra pa sigui garantisa un desaroyo positivo di e producto turistico. Pa mas informacion por bishita Renaissance Aruba Resort su website: www.renaissancearuba.com