Digicel ta keda hasi su klientenan felis!

WILLEMSTAD-MEI:  Premio i mas premio, ku Digicel bo ta kontentu tur ora bai! Digicel lo ta regalando premio tur siman na su klientenan; fèrwaktu un yamada di un representante di servisio na kliente ku e petishon pa aktivá un di e vários servisionan ku Digicel tin pa ofresé. Na momentu ku e kliente aseptá e petishon, e representante lo hasi e aktivashon i e kliente lo ta partisipando pa diferente premio atraktivo e.o telefon selular, karchi di telefon, servisio di data i muchu mas.

“Esaki ta un promoshon fantástiko; dor di laga nos yudabo….Bo tin chèns di gana! Pa nos na Digicel semper e ta un plaser pa yuda nos klientenan, nos ta purba pa hasi esaki den un korto tempu, di un manera fásil i efisiente. Ku e kampaña aki, nos ke rekompensá nos klientenan pa nan konfiansa den nos; nos lo yama, despues di aprobashon nos lo aktivá i e kliente ta gana. Asina fásil…”, esaki di akuerdo ku Srta. Thessa Fleming relashonista públiko pa Digicel Kòrsou.

Algun di e servisionan ku por wòrdu aktivá den e kampaña pa gana premio ta; SMS bundle, ring back tone, paketenan di yamada internashonal i paketenan di pre-paid pa Blackberry. Tur siman Digicel lo saka un ganador entre su klientenan, pues tur hende ku aseptá e petishon pa aktivashon ta partisipando outomátikamente. Ganador di e siman aki a resultá Sade Lucas ku a gana un Samsung Galaxy Young. Srta. Lucas a permití e representante yud’é den aktivá un ‘ring back tone’ riba su telefon eksistente.

Riba foto athuntu por mira momentu ku Srta. Sade Lucas ta risibí su Samsung Galaxy Young for di representantenan di Digicel.