Tur dosente i kabes di skol basikó aki na Kòrsou atenshon! Boso ta planiá di hasi un aktividat di Karnaval na skol pero mester di entretenamentu na un nivel super bon? Esaki ta un tremendo oportunidat pa e DJ mas popular durante Karnaval, esta DJ Argenis Huerta toka na boso skol riba djaweps 27 di Febrüari 2014. CIBC FirstCaribbean ta sòru pa bo fiesta di Karnaval ta kompletu i ta kubri e gastunan di e DJ. E dosente òf e kabes di skol por yama CIBC FirstCaribbean @ 433-8000 pa registrá. (nòmber di skol, nòmber di dosente of nòmber di kabes di skol i tambe un number di telefòn ta nesesario pa partisipá). Por registrá entre Djaluna 17 te ku Djaluna 24 di Febrüari. Un representante di CIBC FirstCaribbean lo tuma kontakto ku e skol ku a gana e toká i DJ Argenis Huerta tambe lo anunsiá esaki durante su programa mainta na Radio Direct.