Sra. Drs. Daisy Frans-Schoop ta anunsiá ku tur aña den temporada di Karnaval Famia Plania ta bini ku un proyekto spesial di prevenshon kaminda nos ta informá i eduká riba e peliger i riesgonan grandi ku muchanan i hubentut ta kore spesialmente durante temporada di Karnaval i tambe pa konsientisá riba nan komportashon. E anja aki nos lema ta” CHUP ON”, pa bo no mester kumpra CHUPON. E palabranan ta papia pa nan mes. Temporada di karnaval ta un tempu di hopi goso i alegria. Hopi bes den goso i alegria ta sosodé ku nos ta lubidá pa komportá nos na un manera responsabel. Esaki ta bini hopi biaha bou di influensha i abuso di bibida alkohòl òf uso di droga. Nos komportashon mester ta ku nos ta kuida nos kurpa pa no tin di lamentá mayan. Fundashon “Famia Plania” ta duna su aporte dor di informá i eduká riba tópikonan ku tin di haber ku nos salu, entre otro komportashon seksual, si ta hasi sèks pa hasie  na un manera safe, pa no wordu infekta ku malesanan transmití seksualmente, entre otro HIV/Aids , un embaraso (hubenil) no deseá, abuzu seksual dor di mal uso di droga i alkohòl pa evita tur e konsekuensianan aki. Famia Plania ku tin prevenshon komo un di su tareanan prinsipal ta pone durante temporada di Karnaval mas atenshon dor di informá i eduká pueblo en general pa asina konsientisá nos komunidat i en espesial nos hóbennan. Nos ta hiba e informashon durante e temporada aki mas fuerte I sòru pa e ta mas aksesibel pa tur hende den nos komunidat. Famia Plania komo un organisahon responsabel ta soru pa repartishon di prevenshon  ta wordu hasi na un manera responsabel i nos ta karga responsabilidat pa nos organisahon. Famia Plania lo ta presente na diferente aktividat nan di Karnaval kaminda ta reparti informashon i prevenshon entre otro Parada di Tiner i Marcha Grandi. Famia Plania kier yama un danki di kurason na su stakeholders nan ku ta DUREX  i TONY MONTANA MUSIC ku a djoin famia plania pa duna nan aporte positivo na nos projekto di informashon i konsientisashon pa e kominidat general di korsou. Nos lo reparti 20.000 kondon. Laga nos ban gosa di e temporada di Karnaval na un manera sano, ku hopi alegria. Pero na un manera responsabel. Kòrda ku bo aktonan ta abo ta responsabel pe.