Komishon di Karnaval Kòrsou ta invitá pueblo di Kòrsou pa presensiá djadumingu awor, 16 di febrüari 2014, Marcha di Kabai 2014. Tur kos ta ranka sali pa 2or na sitio di Parker na Stadion di Ref, pasando riba e ruta di Karnaval, pero den direkshon kontrali: Stadion Ref, Plasa Brion, Breedestraat, Roodeweg etc. etc,  kaba na Jan Noorduynweg. Ocho grupo bon prepará, ku hopi animo ta preparando pa partisipá den nos Marcha di Kabai 2014. E gruponan ku lo bai ta den Marcha di Kabai ta Amerigo, Criadero CJ, Banda Abou Rangers, Mira Sol, Hasta La Manecer, Pirata, Kurason yen Zjeitu i Rancho de Herberg. Pues Pueblo di Kòrsou, bo ta keda invitá pa presensiá Marcha di Kabai 2014 pa 2or di atardi. Ku Kòrsou na Mente nos Karnaval ta Ekselente!!!!