Willemstad – Banco di Caribe ta ofresé otro servisio rápido i efisiente pa su klientenan. Ku introdukshon di e servisio di ‘rekargá telefòn selular’ pre-pago via di su ATM. Mesora Banco di Caribe ta anunsiá un kampaña ‘Rekargá i Gana’, ku lo ta vigente te ku dia 9 di mart próksimo. Pa bo rekargá bo telefòn selular pre-pago ta bira mas fásil i lihé ku Banco di Caribe. Awor por rekargá bo telefòn for di un montante di 10 florin òf mas na kualke ATM di Banco di Caribe i partisipá outomátikamente den e rifa pa gana un di e 40 Multi Card nan di Banco di Caribe na balor di USD 25.00. Pa rekargá bo telefon pre-pago bo mester tin bo tarheta di débito i e number di selular ku bo ta deseá di rekargá. Na momento ku apliká pa e servisio aki e kliente tin ku sigui e instrukshonnan ku ta aparesé riba e pantaya di e ATM. Rekargá p’abo mes, pa un miembro di famia òf pa kualke amigu òf amiga i amplia bo posibilidatnan di gana un di e 10 Multi Card nan ku Banco di Caribe lo rifa tur siman durante 4 siman largu.  Pa mas informashon di kondishonan i reglanan di e kampaña por bishitá www.bancodicaribe.com i primi riba e ‘banner’/ propaganda di e kampaña.Tur ganador di e kampaña ‘Rekargá i Gana’ mester pasa na Banco di Caribe Saliña ku nan identifikashon i karchi di débito i tin te ku 21 di mart 2014 pa risibí/ tuma nan premio. Ta bon pa menshoná ku lo anunsiá e ganadornan tur siman den korant i riba e wepsáit di Banco di Caribe.  Nos lo menshoná e último 4 sifranan di bo tarheta di débito i number di telefòn selular. Banco di Caribe ta invitá tur hende pa rekargá nan telefòn selular pre-pago awor via di su ATM tambe i alabes gana un di e 40 Multi Card nan na balor di USD 25.00. Pa mas informashon por yama Customer Support Center di Banco di Caribe na 432-3200.