Wikènt di ripitishon di Tumba anochi Final

Manera tur aña, hopi hende ku no a tuma e Pay Per View di Festival di Tumba, ta keda buska tur kaminda pa skucha e tumbanan ku a zona e anochi final un tras di otro. Esaki hopi biaha ta difísil dor ku ta únikamente esnan ku a tuma e Pay Per View por keda disfrutá di ripitishon pa 1 siman largu. E aña aki si TDS lo brinda un inovashon den esaki. Pa 25 florin tur kliente ku NO a pidi pa e pakete di Pay Per View por gosa di e ripitishon di e anochi final di Tumba pa 1 siman largu riba kanal 81. Klientenan ku a tuma e Pay Per View ya ta haña esaki inkluí den nan pakete. E spesial aki ta algu ku hopi kliente a bin ta pidi durante di hopi tempu i TDS ta kumpli ku e petishon aki. For di djaweps 6 di Febrüari por kuminsá solisitá pa e pakete di ripitishon aki pa ANG 25.00. E kanal 81 lo habri djabièrnè anochi 10.00pm i lo keda habrí te ku djadumingu 8 di Febrüari  12:00 di anochi. Esaki ta un servisio èkstra pa TUR amante di Tumba. Pa hasi e petishon aki, por tuma kontakto ku 9242 òf manda un SMS na 8585 ku e palabra Ripitishon, menshonando tambe bo FAM i number di kuenta di TDS den e SMS. Gastu di e SMS aki ta 50 sèn. Hasi uso di e oportunidat úniko aki pa bo sigui gosa di e Tumbanan ku a bai final. Un rekordatorio ta bai pa TUR kliente ku a Tuma e pakete di Pay Per View di tur 4 anochi, ku nan ta haña e ripitishon aki kompletamente grátis. Un biaha mas TDS ta duna su klientenan hopi MAS TDS pa nan gosa di TUMBA 2014.