Ya tur kos ta kla pa grupo Chikitous su anual Jump in “NEON SPLASH” Esaki ta e  Jump in ku grupo Chikitous ta organisa anualmente spesialmente pa nos muchanan di Kòrsou
kaminda ambiente semper ta  sigurá, garantisá i trato super servisial ku atenshon pa nos muchanan. Kòrda ku e tremendo Jump in aki lo tuma lugá djasabra awor 8 di febrüari den Because Entertainment Center ku animashon musikal di Gio i DJ Argenis Huerta. Karchi adelanta ta kosta pa mucha fl.20,- i despues fl.25,- i karchi pa adulto ku tambe ke Jump ku nos muchanan
den dushi ambiente ta kosta fl.25,- i despues fl.30,- Preis ta inkluí bo tishúrt un free drink i un armband di neon pa huntu nos krea e ambiente di NEON SPLASH. Tuma nota ku mayan djaweps 6 di febrüari lo repartí tishúrt na Buurt Centrum Sta Maria entre 5 or atardi pa 7 or di anochi. Pa esnan ku ahinda no tin karchi por yama tante Yuchi na nr. di telefòn 5290606 pa mas informashon. Kòrda nos ta spera tur mucha pa bin gosa i pasa bon den nos dushi Jump in.