den kuadro di selebrashon di nan promé aniversario

The Business Factory B.V. ta un empresa ku ta duna asistensia empresarial riba tereno di atministrashon i impuesto, rekurso humano, merkadeo i asistensia empresarial general na esnan ku ke bai kuminsá nan mes negoshi pero tambe pa negoshinan eksistente kaba. The Business Factory B.V. a bira operashonal ofisialmente na yanüari 2013 i a posishoná su mes riba merkado komo un “one-stop shop” pa tur asuntu empresarial. Djabièrnè último The Business Factory B.V. a organisá “Client Appreciation Day” den kuadro di selebrashon di nan promé aniversario, kual ta un dia kaminda nan a dediká spesial na klientenan ku a kere den nan for di inisio di e empresa aki. Durante e seremonia e direktor, Sra. Raycine Decaster-Godfried a ekspresá apresio i gratitut na nan klientenan, enfatisando ku sin nan lo no tabatin motibu di selebrashon. I netamente ku nan den mente ta sigui inová i bin ku idea i solushonnan nobo pa nan empresa. Sra. Decaster-Godfried a kompartí e logronan di e empresa durante e aña ku a pasa i a lansa programanan nobo pa nan klientenan; entre otro un sistema pa hasi atministrashon “online” den QuickBooks kaminda unda ku e empresario ta e tin akseso na su sifranan di negoshi i tambe a splika vários otro benefisio di e QuikBooks Online. Ademas di esei tambe a lansa un programa di benefisio “TBF partner program” pa klientenan eksistente ku tambe lo gosa di benefisio ora referí kliente na The Business Factory. Mas aleu e direktor a duna di konosé ku e meta pa e aña aki ta bai e “next level” pa loke ta trata nan servisio, nan no ke klientenan simplemente satisfecho mas, pero nan ta bai pa klientenan sumamente satisfecho! Durante e atardi ameno na ofisina di The Business Factory B.V. a brinda pa un aña eksitoso, klientenan por a konosé otro, disfrutá di algu di kome i bebe i na final tambe a risibí un regalito personalisá kompañá ku palabranan di apresio i gratitut. Por tuma kontakto ku The Business Factory B.V. na telefon 738-0083 of e-mail info@businessfactory-cur.com.