Den mayoria kaso semper e parti negativo ta mira lus di dia, na masha poko okashon ta duna  parti positivo su oportunidat. P’esei ami. Ludwig Isabella, mihó konosí komo dj Danger ke kompartí e parti positivo ku komunidat. Den luna di Novèmber 2013 mi a kibra mi pia durante di un partido di sòftbòl ku a tuma lugá na Frank Curiel Ballpark. Mi a keda transportá pa Poli di St. Elisabeth Hospital, kaminda despues di kontròl mi mester a keda interná pa operashon. Awe algun luna despues mi kier gradisí Dios ku tur kos a kana bon i ku mi ta mas mihó di loke mi a spera. Mi kier gradisí e bruder i zusternan di e departamentu di ‘Interne Mannen’ ku a lagami sinti ku mi ta na ‘Hyatt’, pero siendo interná den St. Elisabeth Hospital. Mi eksperensia komo pashènt den e departamentu tabata sublime. Mi ke tuma e oportunidat pa gradisí Jurvaiska Felipie, Susainne Bacuna Davelaar, Lisette Ricardo, Saskia Sebelon, Djieszselle Martes Lourens, Jasmin Manuel Cornelia, Margenel Seferina, Silma Melfor, Linette Alberto, Aishel Ogenia, Rogelia Magdalena Romano, Thavianca Koots Giterson, Davina Medina, Sandra Flores, Myrna Raap, Janiel Stoop, e bruder nan Calvin Gumbs i Jurgen La Cruz pa nan atenshon. Un gradisimentu tambe ta bai pa Dr. Gerry Booi, ofisina di Rosinda Fystiotherapie, Dr. Middelhof (mi dòkter di kas) i tambe na www.antymike.com i tur sobra persona ku di un òf otro manera a yama, òf duna atenshon. Un danki di kurason na bosnan i Dios sigui drama su bendishon riba bosnan.