SET UP
E dianan aki trabounan intensivo ta tumando lugá den CFC ta tumando lugá pa prepará pa Festival di Tumba. E intenshon ta pa djasabra tur trabou di limpiesa di tereno, di tualèt i tambe e preparashon di stage ta kla. Pues djadumingu  na momentu ku e promé aktividat ta bai kuminsá, tur kos lo ta in place.

Siman di Festival di Tumba
E siman di Festival di Tumba ta start djadumingu 2 di febrüari ku Junior Tumba show. Di 6 or pa 11 or di anochi. E intenshon ta pa e parti pa e hóbennan terminá pa 8:30 i djei pa 11 or ta pa adultonan. SI mayornan ta huntu ku nan yunan i ke keda mas lat, esei ta responsabilidat pa mayor. E programa ta lo siguiente E atardi ta start ku Strep Gang Presentashon di Junior Allstar Orchestra kompañando Urvin Yano, Djuric Virginie i Mr. Saab. Junior Allstar Orchestra lo kompañá Janiro Eisden ku despues lo tin un presentashon su so. NSTYPLY Finalmente Gio Furtisimo ta sera e programa Etrada ta 10 florin pa mucha i 25 florin pa hende grandi Na Porta e preis  ta bira despues di 7 or pa adulto ta bira 35 florin.

DIANAN PRELIMINAR PA TUMBA
3,4 I 5 di febrüari lo ta dianan preliminar pa tumba. Te na e momentunan aki ta 1 inskripshon a kai afó i  direktiva a haña señalnan ku tur grupo músikanan ta den ful preparashon pa presentá un gran espektákulo na e bishitantenan di CFC. Pa djasabra direktiva lo saka e listanan ofisial. Tur anochi pa 7 or lo tene un Mini Konferensha di prensa, durante kual lo saka e sekuensia di e  diferente intérpretenan di e gruponan musikal. Ta bon pa kada agrupashon musikal manda un representante na e reunion, sino e sekuensia di e diferente intérpretenan ta keda igual na e lista ku ta keda publiká. Manera regla ta preskribí, kambio di sekuensia lo ser sanshoná ku algun punto Ta bon pa bolbe enfatisá pa agrupashonnan musikal tene kuenta ku no por presentá ku unifòrm ku propagandanan riba esaki di kompetidornan di nos branding partnernan. Es mas logonan o otro formanan di propaganda riba unifòrm aunke ta di branding partner semper ta bon pa tene kuenta ku e grandura, pa nos deslusi e produkshon riba tarima. Solamente riba e promé anochi  preliminar lo tin un pre-show durante mei ora.  Pues e promé grupo musikal djaluna mester kuminsá toka mitar di nuebe. Riba e di dos i di tres dia preliminar, NO tin pre-show. Djarason anochi riba e di tres dia preliminar, na final di e anochi, despues di e presentashon di Gio Fuertisimo, nan lo toka dos número i despues  G-Spot lo bolbe subi pa kompaña Místika Stefania i Luti Samson. Miéntras tantu hurado mester ta kla ku e 30 finalistanan. Ta bon pa menshoná ku e homenahe na Místika i Luti ta tuma lugá manera kustumber riba e dia final despues di e presentashon ofisial di e tumbanan. Pa djaweps dia 6 di febrüari lo tin un konferensha di prensa kaminda lo presentá mantel i korona, kaminda lo duna informashon di e último detayenan.

SEKSHONNAN DEN FESTIVAL DI TUMBA

Durante Festival di Tumba 2104, lo bai tin 4 sekshon.

-Sekshon General i karchi pa e sekshon aki ta kosta 80 florin.
-Sekshon di invitado
-Sekshon di Red Carpet. E preis ta 335 florin pa 4 anochi.
-Sekshon di Diamond ku ta kosta 500 florin. Ta bon pa duna un splikashon kiko esaki ta enserá. Esnan ku kumpra un karchi di 500 florin.

KARCHINAN PA JUNIOR TUMBA SHOW I FESTIVAL DI TUMBA

E lugánan ku e aña aki ta bende karchi pa Festival di Tumba,  ta vários. Pomp station Sta. Maria, 24 uur uit de muur, GL Jewelers, Boekhandel Samson na Sta. Maria , Chobolobo i Janoorduynweg, Ofisina di   Funmiles i Curacao Festival Center . Buska bo karchi i kòrda reklamá bo kupon. Na Inter Alpha tambe por haña karchi di Junior Tumba show

BALANSE  DI E ANOCHINAN DI FESTIVAL DI TUMBA

Konforme deseo di miembronan durante reunion general, ta balansa e anochinan di festival di tumba tantu preliminar komo final. E desishon aki a keda tuma trabes di eksperensianan amargo di pasado, kaminda agrupashonnan musikal mester a aktual dilanti un kompleho bashí. Konforme reglanan di Festival di Tumba, e agrupashon musikal ku kompaña Rei di Tumba Outomátikamente ta bai riba djarason último grupo. Pa lokual ta trata e otro gruponan musikal ta repartí e gruponan den popular i no popular. Añanan anterior tabata hasi uso di dos kùp, pero teniendo na kuenta ku techonologia moderno, aktualmente ta hasiele digital. Riba dia final, e repartishon di e gruponan musikal ta bai den e mesun forma, esta gruponan popular i no popular riba sierto posishonnan. Pues semper bai un grupo popular lo presentá komo último grupo.