Alberto Klaber di Brazil Taekwondo Stichting ta kere den nos prensa local pa e trabou cu nan ta haci pa asina publica tur e relatonan di Brazil Taekwondo Stichting cu no tin niun compromiso su tras. E trabou di prensa no ta algo facil y ta rekeri hopi tempo pa por pone e relatonan di Brazil Taekwondo Stichtiong ariba nan website, television of corant. E directiva di Brazil Taekwondo Stichting a haci entrega na varios prensa cu a logra bin na e cena di pasco na luna di december na unda cu nan a ricibi nan premio. Awor  cu aña a bolter a logra entrega e resto di premionan cu a wordo entrega na:

1. Claret Lopez di e programa Time Out
2. Willy Willems di e website www.deporteturdia.com
3. Alvin Rasmijn di e website www.zoomaruba.com
4. Edmond Croes di Top FM 95.1
5. Representante di Arubawe

Awor cu esaki ta tras di lomba Brazil Taekwondo Stichting ta bay focus ariba e premionan pa fin di aña 2014 na unda cu prensa lo competi pa esaki. E siman aki Brazil Taekwondo Stichting lo entrega na tur e medionan di prensa e reglamentonan pa e premionan di fin di aña 2014.

Alberto Klabér

Brazil Taekwondo Stichting.