Willemstad – Simannan di preparashon ta tras di lomba i nos ta den porta di e wikènt di e konsierto di Dia di mama di Fundashon Mayor di Kriansa. Enkonekshon ku esaki Fundashon Mayor di Kriansa huntu su patrosinador Licores Maduro ta dunabo un último chèns pa malkriá mama regalando e un karchi kumpra na preis special pa sea e konsierto òf e show di Fundashon Mayor di Kriansa ku ta konta ku presentashon di Eddy Herrera, Ravelin Hernandez,jenny V,Dju dju V,Mr Saab ku kompañamentu musikal di Gio Fuertisimo. Durante di hinter dia solamente awe djabièrnè 10 Mei ora bo kumpra algu na The Store di Licores maduro bo por kumpra bo karchi General pa djasabra pa solamente Nafl 50,- Eddy Herrera i Ravelin mes lo tei awe di 4or pa 5or di atardi na The Store di Licores Maduro

Karchinan pa VIP pa tur dos dia lo tin deskuento di 10%. Durante di tur e dos dianan aki lo tin presentashon di Gio Fuertisimo ku lo kompaña  Ravelin Hernandez, Jenny V, Mr Saab, Gibi Doran, Luwi Yano, Dju Dju V i Tiko Libiee i direktamente for di Santo Domingo huntu ku su banda lo tei Eddy Herrera pa kanta pa tur mama. Tur esaki lo tuma lugá na WTC. Pues hasi Mamai un regalo lag’é bai disfrutá di e gran konsierto gran fiesta di Fundashon Mayor di Kriansa ku lo tuma lugá djasabra 11 Mei  òf e konsierto ku ta tuma lugá djadumingu 12 mei.

Ayera nochi Eddy Herrera a yega Kòrsou pues ya ta kla pa duna tremendo presentashon manera semper