…Djasabra promé di febrüari próksimo;…

WILLEMSTAD- Yanüari 2014: Dia promé di febrüari Banco di Caribe, Global Motors i Universal Motors ta presentá nan promé outo show di aña titulá; New Year, New Car, New Interest Rate. Riba e dia aki kuminsando 9’or di mainta te 3’or di atardi bo por pasa na e Showroom di Kia / Nissan na Junostraat #6 i skohe Bo outo. Loke ta hasi e outoshow aki aún mas spesial ta ku tur esnan ku ta deseá di sera un fiansa pa nan outo via di Banco di Caribe lo por probechá di un pakete di finansiamentu kompetitivo inklusivo seguro i un interes úniko  di solamente 3.25% (APR 5.82%). Ademas di esaki Banco di Caribe lo ofresé tèrmino di pago di un máksimo di 5 aña. Mester rekordá un i tur ku e oferta spesial akí lo ta bálido solamente dia promé di Febrüari. Pa probechá di e posibilidat di habri aña nobo ku un outo nobo na un interes nobo mester trese; último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe ainda). Banco di Caribe, Global Motors i Universal Motors ta invitá un i tur pa pasa i atmirá e modèlnan nobo di KIA i Nissan djasabra awó den e Showroom di Kia / Nissan na Junostraat #6 di 9’or di mainta te 3’or di atardi. Pasa skohe e outo di bo smak i habri aña nobo ku un outo nobo na un interes nobo nobo!