Durante inskripshon di Tumba na Curaçao Festival Center

WILEMSTAD- Maduro & Curiel’s Bank, é Banko di Tumba i orguyoso Branding Partner di e festival lokal mas grandi di nos artista i músiko, ta duna su klientenan e aña aki tambe oportunidat pa kumpra karchi di entrada na tarifa redusí durante Inskripshon di Tumba, ku ta tuma lugá riba djadumingu dia 26 di yanüari di 3:00 pm pa 5:00 pm na Curaçao Festival Center. Bo Banko Amigu ta pone un total di 100 karchi di entrada general i 50 karchi di e sekshon Red Carpet disponibel na un preis redusí. Preis spesial di Bo Banko Amigu pa  entrada general ta NAf. 65,– i preis spesial pa e sekshon di Red Carpet ta NAf. 300,–. Pa un persona bini na remarke pa kumpra e karchinan na e tarifa ariba menshoná, nan mester swaip i kumpra nan karchi di Festival di Tumba 2014 ku nan tarheta Bankomatiko Smartcard òf ku nan tarheta di Kompa Leon. Kada persona por kumpra un máksimo di 2 karchi di Festival di Tumba 2014. Tene kuenta ku riba e dia aki pa kompra di e karchi na preis spesial  no por paga ku sèn kèsh. Bishitá Curaçao Festival Center djadumingu awor i probechá kumpra karchi di Festival di Tumba 2014 na un preis redusí i kuminsá drenta den e ambiente di tumba. Maduro & Curiel’s  Bank, é Banko di Tumba, ta deseá bo felis dianan di Festival di Tumba i un dushi temporada di karnaval.