ofertanan spesial, músika i bolo pa tur hende

WILLEMSTAD – Ya ta sinku aña pasá ku Renaissance Curaçao Resort a habri su portanan na Kòrsou; desde di su apertura e resort, kompañá pa su propio casino, mall i sentro komersial a bira un di e hoyanan pa Otrobanda. Ademas di esei Renaissance Curaçao Resort tin 3 restorant, Nautilus, Cru Steakhouse, Infinity Beach i no por keda sin menshoná Starbucks. Lo selebrá e 5 aniversario di Renaissance Curaçao Resort na un manera eksepshonal. Dia promé di febrüari próksimo Renaissance Rif Fort ta ekstendé invitashon na tur su klientenan i pueblo di Kòrsou pa forma parti di un dia yená ku selebrashon i ofertanan spesial. Kuminsando for di den oranan trempan di mainta tur esnan ku bishitá Renaissance Mall lo por disfrutá di ofertanan spesial na: Zazou, Ema Tei, Sunspec, CurAloe, Mon Art, Rif Fort Beauty Babor Spa, Swatch, Del Sol, BCBGMAXAZRIA, Maxmara, Panache, Guess, Freeport, Swarovski, R-Glass i Totto. Ademas di esaki lo tin presentashon live di High Way Band riba Renaissance Fountain Plaza for di 3’or pa 6’or di atardi. Pa kompletá e selebrashon lo repartí bolo pa públiko despues di 3’or di atardi. Hasi un anotashon spesial riba bo kalènder p’asina abo tambe forma parti di e selebrashon na Renaissance Mall i Rif Fort dia promé di febrüari próksimo. Bin relahá, disfrutá i probechá di ofertanan spesial pa un dia só! Kòrda ku por parker outo grátis durante hinter dia. Keda Pendiente pa mas promoshon ku Renaissance Resort & Casino i Mall & Rif Fort lo tin pa públiko durante di e aña aki.