Outo 73 ta haña doño nobo! Pabien na Sr. Pieternella

WILLEMSTAD/ Yanüari 2014 – Carnaval Casino a habri aña 2014 ku hopi suerte pa su bishitantenan. E promo KIA Cerato Koup (#73) a wòrdu entregá djaluna mèrdia na su doño nobo. Tabata djabièrnè último ku Sr. Emilio Pieternella a bai purba su suerte na e mashin ‘Win a Car’ i a resultá e felis ganador di e KIA Cerato Koup koló blanku ku tabata sentro di atenshon pa tur ku bishitá Carnaval Casino. Djaluna mèrdia Sr. Emilio Pieternella a tuma su outo nobo for di ehekutivonan di Renaissance Curaçao Resort & Carnaval Casino. Riba fotonan athuntu por haña un impreshon di momentu ku Sr. Pieternella a wòrdu aserká dor di ehekutivonan di Carnaval Casino i brinda pa e suerte i e outo nobo ku e’la kaba di gana. Masha Pabien!