Willemstad – Yanüari 2014: Den temporada di fin di aña 2013 Banco di Caribe a habrí tur djasabra. Esaki pensando riba e rapides i efisiensia den transakshonnan bankario pa kada kliente. A anunsiá ku esaki lo tabata pa un temporada só. Mirando e reakshonnan positivo riba e dia ‘èkstra’ aki, Banco di Caribe a opta pa kontinuá kuné. Un djasabra pa luna Banco di Caribe su branch na Saliña lo ta habrí pa akomodá tur hende ku durante di siman ta haña nan mes strobá òf difikultá pa yega banko. Kuminsando for di 25 di yanüari próksimo Banco di Caribe su branch na Saliña lo ta habrí di 8’or di mainta pa 1’or di atardi. Pa e siguiente 6 lunanan Banco di Caribe su branch na Saliña lo ta habri dia; promé di Mart, 29 di Mart, 3 di Mei, 31 di Mei i 28 di Yüni. E motibu di e dos fechanan den luna di Mart ta debí ku e fecha di e último djasabra di Febrüari ta promé ku mayoria kliente tin disposishon di nan entrada mensual. Pa por akomodá tur kliente Banco di Caribe a opta pa pone e fecha un siman despues riba 1 di mart. Den luna di Mei tambe tin dos fecha pa tene kuenta kuné debí ku e último djasabra di Aprel ta kai riba e dia ku ta selebrá Dia di Rei (Konings Dag) i pa e motibu ei a poné dia 3 di Mei. Ta bon pa menshoná ku e departamento di Customer Sales & Services lo ta habrí pa por ehèmpel habri kuenta, hasi transferensia bankario i transakshonnan na kaha, atendé asuntunan di tarheta di krédito, fiansa personal i hipoteka. Di e forma aki Banco di Caribe ta kontinuá ku su kompromiso pa garantisá servisio rápido i efisiente. Tuma bon nota di e fechanan riba kua Banco di Caribe ta brinda su servisionan riba djasabra: sigui  hasi tur transakshon efektivo pafó di orario di ofisina regular i den un esfera mas trankil.