Willemstad – Den siman tras di lomba a lansa un aplikashon nobo pa mundu empresarial na Kòrsou; un aplikashon ‘online’ pa atministrashon di salario. Ta importante pa tur empresario sá ku un atministrashon di salario optimal ta un deber di tur dunadó di trabou i mester wòrdu prosesá konforme lei. Celery ta ‘online’ i tin tur su data den un asina yamá ‘Internèt Cloud’. E servisio aki ta pas perfektamente den e manera ‘nobo’ di traha. Esaki ta nifiká ku data no mester wòrdu wardá lokalmente mas den memoria di un kòmpiuter pero lo ta aksesibel ‘online’. E sistema aki ta kompletamente sigur. Por kompará e servisio aki ku por ehèmpel M-Files i Twinfield. E bentaha grandi di Celery pa e dunadó di trabou, ta e faktor tempu. Un atministrashon optimal di salario ta tuma hopi tempu- ku Celery esaki ta sosodé hopi mas lihé i simpel, ademas di esaki empleadonan por mira nan slep di salario ‘online’. E proseso pa generá e dokumentonan salarial, warda òf asigná ta kompletamente outomatisá den Celery. Celery ta un produkto di General Payroll Services B.V. (GPS), establesé na Kòrsou. E empresa ta traha den laso estrecho ku outoridatnan lokal, esaki ta garantisá ku e atministrashon di salario ta wòrdu prosesá konforme lei. “Celery ta ‘online’ i aksesibel for di kualkier kòmpiuter òf tablèt. Esaki ta ofresé e dunadó di trabou mas libertat, pa motibu ku e payroll por wòrdu hasí via di Internèt unda ku ta. Ademas di esaki e dunadó di trabou ta spar su tempu ku ta dun’é oportunidat di enfoká riba otro aspektonan di su empresa”, esaki di akuerdo ku representante di GPS. Celery ta optenibel pa tur empresa i organisashon na Kòrsou, mas den transkurso di aña e lo ta optenibel tambe pa Sint Maarten, Aruba i islanan BES. Empresanan ku ta interesá den Celery por haña mas informashon via di wèpsait: www.celeryapp.com