Willemstad- Yanüari -2014; Tabata djabièrnè último ku na Pizza Hut Saliña, Nadilusca Sambo a risibí su outo nobis nobis for di gerensia di HUCOR Holding i mènèdjer di Pizza Hut. Durante 5 luna largu, HUCOR Holding a tene su klientenan den suspenso, ofresiendo nan e oportunidat di gana un outo tur luna. Djabièrnè último a hasi entrega di e último outo di e kampaña, ‘Eat & Win a KIA Rio’  ku a resultá masha eksitoso. “Nos ta satisfecho ku e reakshon di nos klientenan; e kampaña a surpasá nos espektativa, ta un satisfakshon di mira nos klientenan kontentu. Ta invitá tur kliente pa keda pendiente pa mas kampaña atraktivo den e próksimo temporada”, esaki di akuerdo ku Sr. Randy Maurera, di HUCOR Holding. Nadilusca Sambo a kumpra dia 1 di Yanüari 2014, na Pizza Hut Brievengat i djabièrnè e por a bai kas ku su outo nobo! Tabata un momentu di alegria total ora representantenan di HUCOR Holding den presensia di Notario i TeleCuraçao a sorpres’é ku un yamada pa inform’é ku e’la bira ganador di e kampaña ‘Eat & Win a KIA Rio’. Miéntras ku e kampaña di HUCOR Holding mes a tèrminá, ta rekordá tur kliente di sea KFC, Pizza Hut i Subway ku tin posibilidat di partisipá den e programa ‘Bai’é na TeleCuraçao na unda ku einan sí por keda partisipá pa gana un outo nobo! Pues pidi pa bo resibu di kompra, yena bo datonan personal i deposit’é den e tómbola.