…Publisidat Mobil awor mas kumbiniente…

WILLEMSTAD:- Tabata djabièrnè último ku Digicel a lansa den forma ofisial nan produkto di mas nobo den e portofolio inovativo ku nan a bin ta ofresé. E asina yamá ‘Digicel More’ a keda presentá dor di Sr. Sander Gielen, CEO pa Digicel Dutch Caribbean. Durante di e presentashon di ‘Digicel More’ ku a tuma lugar na Digicel Megastore, Biesheuvel por a konta ku presensia di representantenan for di diferente kompania na Kòrsou. Ku e produkto ‘Digicel More’ ta introdusí un manera nobo di komuniká, tambe konosí komo ‘Mobile Advertising’ (publisidat mobil). ‘Digicel More’ ta pèrmití kompanianan lokal komuniká direktamente ku nan klientenan eksistente pero tambe aserká klientenan nobo. E telefon selular ta e artefakto mas usa na mundu i klientenan ta spera tur dia mas i mas di nan telefon. Keda na altura di tur loke ta sosodiendo rònt di nos i forma parti di e desaroyonan nobo ta karakterístika di un kliente ku ‘hamber’ pa mas data. ‘Digicel More’ ta netamente esei, ofresiendo e kliente tur dia algu èkstra. Publisidat mobil no ta únikamente un manera fásil, direkto i lihé pa komuniká; e ta un manera pa tene gastunan di promoshon abou i tambe fásil pa midi efektividat di e respektivo publisidat. E impakto di un promoshon fásilmente por wòrdu midí ora agregá e alternativa di publisidat mobil na e meskla di medionan di komunikashon tradishonal manera e.o radio òf televishon. Pues, ademas di ta abou den gastu, e lo ta un alternativa ideal den kualkier plan di merkadeo. Pa mas informashon tokante di ‘Digicel More’ por tuma kontakto ku departamentu di benta di Digicel na 7361056. Riba fotonan athuntu por haña un impreshon di e atardi  na Digicel Megastore riba kual a lansa ‘Digicel More’. Representantenan di empresanan ku a wòrdu invitá a haña oportunidat di sosialisá despues di e evento di introdukshon miéntras ku por a disfrutá di algu di bebe i pasaboka.