E promé Jump in di aña presentá pa grupo di Karnaval Dushi Aventura

Temporada di karnaval 2014 a kuminsá ofisialmente i pueblo kompleto ya a drenta den e gara di e temporada di mas dushi na Kòrsou. Lokura di Karnaval ta bai huntu ku reunion di gruponan, festival di tumba kue mentu di midi i naturalmente Jump In nan. E aña aki sigur no ta un eksepshon i manera ya ta un tradishon, grupo di Karnaval Dushi Aventura un biaha mas ta ranka Sali ku e promé Jump in di aña. Na 2013, “Span bo Alanan” a habri e temporada ku e promé Jump in di aña i esaki tabata un yen total. Hopi hende a warda te na último pa haña un karchi pero mester a konformá ku skucha kon tur hende tabata gosa den Rust & Burg. E aña aki un biaha mas e promé Jump In di aña ta di e mes un grupo aki. Dushi Aventura e aña aki ta bai ku “ ESTA UN KABES GRANDI” tema di e promé Jump In di aña. Fecha lo ta djabièrnè 31 di yanüari i e ta tuma lugá den e arena di Rust & Burg. Músika lo ta na enkargo di e grandinan, GIO, TUNE i ERA. E jump in aki lo kuminsá 8 or di anochi i lo sigui te ku 3 or di mardugá kaminda por bai den bo trahe kolorido bai bula baila gosa i hasi kos di kabes grandi. “Mar’é kabes, ESO, awèl mara bo kabes grandi i bai gosa di GIO, ERA, TUNE dia 31 di yanüari den Rust & Burg pa solamente ANG35.00. Wak pa e aña aki si, wak pa bo ta aden paso karchinan ta hopi limitá. Ademas unda mas bo por haña un Jump in riba un djabièrnè, fin di luna ku e 3 banda grandinan di Kòrsou, bispu di wikènt di Tumba ku bo por gosa te 3 or di mardugá pa e preis aki? TDS orguyosamente ta patronisa e jump in aki. Keda pendiente pa mas informashon di e gran Jump In aki. Karchinan lo bai ta disponibel na e Beep Beep Rio, 24 uur uit de muur, TDS Sta. Rosaweg i serka tur miembro di e grupo di Karnaval Dushi Aventura. Pa hasi bo reservashon òf pa mas informashon bo por yama tambe 540-5617 òf 520-8089. Reserva na tempu y no hasi kos di kabes grandi. Dia 31 awor ta Rust & Burg tei bira e kos! “Be part of the excitement” ku Dushi Aventura