WILLEMSTAD – Djadumingu awó, organisadónan di ‘Creative Leadership Seminar Curaçao’ lo tei na Park Otrobanda, Frederikstraat 82-84, na Otrobanda pa sera konosí ku esnan interesá pa partisipá na e seminario di liderazgo kreativo. Fundadó di Cre8tive Revolution Group, Kevin de Randamie, tambe lo partisipá́ na mesa rondo ku diferente empresario kurasoleño manera Rayay, Pito Polo, Roël Sambo, Raygen Zuiverloon i mas komersiante notabel.
Kick-off Cre8tive Revolution Curaçao
E evento di lansamentu ta kompletamente gratis i lo kuminsá́ 5:30 te 8’or di anochi. Esnan interesá por hasi pregunta i partisipá na e mesa rondo unda lo papia riba kreatividat komo materia prima empresarial i kon pa krese bo negoshi. Alabes Cre8tive Revolution ta hasi huso di e oportunidat pa laga bo sera konosí ku nan promé miembro premium di Cre8tive Revolution Rayay di Island Afro, via arte, kuminda, músika i salú. Island Afro ta ko-anfitrion di e evento lansamentu anto lo organisá un bríndis ku lo tuma lugá entre 8 pa 11’or di anochi. Durante e evento di lansamentu, tin oportunidat pa kumpra dos karchi pa e preis di unu, asina e lugá di abo i bo tím ta garantisá.
Dia 2 di mart ultimo, Cre8tive Revolution Group a duna un ‘preview’ virtual riba Instagram di e seminario dinámiko aki, ku bo por wak bèk riba Kevin de Randamie su página di Instagram @blaxtar_. E seminario di tres dia lo tuma lugá 14, 15 i 16 di mart próksimo na Kolab Innovation Hub & Coworking, Otrobanda.
Kreatividat i negoshi
Segun fundadó di Cre8tive Revolution Group, Kevin de Randamie, kreatividat ta e materia prima empresarial mas supestimá di nos planeta i na Kòrsou esaki no ta un eksepshon. Nos komunidat mester di komersiante ku ke tuma responsabilidat pa su komunidat i su espasio empresarial. Cre8tive Revolution ta respondé na e gritu aki dor di krea kolektivamente un movementu global pa motivá empresarionan pa brasa nan kreatividat, pa asina optené e gran impakto ku nan meresé. Nan ke logra esaki dor di kompartí konosementu, duna formashon i guía e empresarionan den e establesimentu di nan kapital kreativo.
Dos na preis di unu
Ora bo inskribí na e seminario di Liderazgo Kreativo durante e evento di lansamentu, bo por optené dos karchi pa preis di unu. Asina abo i un miembro di bo tím por profundisá boso komprondementu di e sikologia tras di e balor i ekonomia di kreatividat i kon pa multipliká esaki. Komo partisipante lo bo optené diferente strategia ku lo yuda bo verbalisá bo mishon, siña bo kon pa krea aliansanan efektivo, i klarifiká bo balor agregá na klientenan i partnernan. Tambe lo bo krea un vishon stratégiko kompleto di bo práktikanan komersial, banda di un ‘Blue Ocean Strategy Canvas’ ku ta yuda bo distinguí bo mes di bo kompetensia.
Pues no pèrdè ‘Creative Leadership Seminar Curaçao,’ dia 14,15 i 16 di mart próksimo na Kolab Innovation Hub & Coworking, Langestraat 6A, Otrobanda. Si bo ta interesá, bo por tuma kontakto ku Rachel Tokromo na rachel.tokromo@cre8tiverevolution.com of WhatsApp +31-6-84547064 pa mas informashon. Tambe sigui Cre8tive Revolution riba nan página web www.cre8tiverevolution.com