Den kuadro di selebrashon di karnaval 2023, direktiva di “Asosiashon di Gruponan di Karnaval Kòrsou” AGKK ta invitá lidernan di grupo di karnaval na un reunion di sumo importansia. E reunion aki ta tuma lugá djarason 14 di desèmber próksimo na Rust & Burgh, “Sala den Konfó”. E orario ta 6or pa 8or di anochi pa lidernan di grupo Hubenil i Teener sigi pa 9or di anochi pa lidernan di grupo adulto.

Durante e reunion aki lo trata entre otro é reglanan di partisipashón na paradanan di karnaval 2023 i ta registrá tur grupo ku lo bai partisipá na e paradanan.

Pa loke ta trata gruponan di karnaval nobo, esta gruponan ku ta bai partisipá pa di promé biaha na e paradanan, tin oportunidat pa inskribí.

Según dianan ta aserka nos á tuma nota den medionan di komunikashon di vários grupo, presentando nan disfras masha kreativo i espektakular. Esaki ta indiká ku tin un interes grandi pa ku partisipashón di gruponan eksistente i tambe nobo na paradanan di karnaval 2023.  

Direktiva di Asosiashon di Gruponan di Karnaval Kòrsou (AGKK) ta hasi un apelashón na tur lider di grupo di karnaval, pa asistí na e reunion aki na tempu pa nos por kuminsá i terminá na tempu.