Willemstad – Ayera djadumingo 11 di desèmber 2022, Valerie van Heydoorn a representá Kòrsou riba tarima international na Guateala di e sertámen, Miss Teen Grand Universo 2022. Un sertámen grandi i hopi importante bou di hubentud international ku a selebra su di tres edishon. Un total di 18 pais a kompetí durante 1 siman pa asina demostrá dikon nan mester ganá e sertámen importante aki.

For di yegada, ya Valerie van Heydoorn tabata un favorita pa e korona i hopi missiologo tabatin Valerie den e top 3. Valerie siendo e representante mas hoben ku apenas 15 aña, a sa di hala hopi atenshon ku su vestuario, aktitud i karisma. Valerie a biaha ku un tim ku a sa di preparé i ta kla tur momento durante e kompetensianan pre-liminair ku a tuma luga hinter e siman.

Durante un transmishon live via e plataforma di facebook di e sertamen Miss Teen Grand, Kòrsou kompleto por a disfrutá di Valerie su presentashon. Den e promé premionan di e show, Valerie a sa di ganá e título Miss Teen Grand Cultura, cual a splika ku ta trata di e representante ku tabatin miho entrevista ku hurado i por a bende su país mas miho. Esaki ta e premio ku e yena QMQ Organization ku hopi orguyo.

Despues di presentashon den trahe di baño, Valerie ta wòrdu yama promé pa asina drenta e top 12 pa sigui pa e trahe di gala. Seguidamente, después di e desfile den trahe di gala di e 12 finalistanan, a saka e top 5, kual a resulta Panama, Puerto Rico, Curacao, South Africa i Spana. Tur a haña opportunidat pa responde e mesun pregunta di kual a saka e ganadornan.

Valerie van Heydoorn ta resultá Prinsesa Teen Grand Universo 2022, kual ta e promé pa drenta top tres k uta igual na di dos finalista. Yaivelisse Riveira di Puerto Rico ta ganá promé finalista i Cristina Gonzalo di Spaña ta ganá e título Maksimo. Kòrsou por ta hopi orgulloso di e trabou i resultado di Valerie van Heydoorn. QMQ Organization ta demostrando ku den apenas dos aña, e tim tin logronan grandi i tin hopi mas pa bini.

Tur hende ta keda invitá pa bin risibí Valerie van Heydoorn na aeropuerto djamars awor 13 desèmber 2022 pa 12or di merdia.