Pago via QR code ta bira posibel ku Melkar Pay
WILLEMSTAD: Tabata djamars atardi ku Melkar Prepaid Card a introdusí un opshon di pago nobo usando teknologia inovativo, hasiendo e hopi fásil pa klientenan paga kualke kompra via di nan propio telefon òf dispositivo digital usando un simpel QR code. Pa e lansamentu ofisial a invitá un grupo selektá konsistiendo di partnernan den industria, ofisialnan di Gobièrnu i Minister Presidènt Pisas, Banko Sentral i komersio. Pa e okashon aki a skohe Restaurant Bocas na Mambo di manera ku por a selebrá tambe e di dos aniversario di Melkar Prepaid Card. Un bahada di solo impreshonante tabata trasfondo pa un evento bon bishitá. Miembronan di prensa tambe a risibi un introdukshon di e opshon di pago nobo.
Tokante Melkar Prepaid Card:
E kompania a keda establesé na aña 2020 komo un entidat finansiero ku lisensia prinsipal di MasterCard International i ku e vishon i meta di inkluí i integrá su klientenan den e merkado digital di pago minimalisando e riesgonan di transakshonnan efektivo. Ta ofresé diferente tipo di tarheta Prepaid di MasterCard, ku por wòrdu kumprá na un manera fásil i ku masha poko trámite- pero ei mes ofresiendo e seguridat na e kliente ku ta formando parti di un kompania responsabel i ku ta kumpli ku tur rekerimentu legal establesí lokal- i internashonalmente. Ku e tarheta fenomenal aki por paga kuentanan di utilidat, hasi kompras ‘online’, bai di biahe, por kumpra den kualke establesimentu lokal. Ku introdukshon di Melkar Pay, ta laga klientenan sera konosí ku un método di pago inovativo i mesora aksesibel! Futuro, t’awe!
Un opshon di pago inovativo:
Pagonan inmediato di konsumidó pa komersiante na e punto di benta usando únikamente un QR code ta un di e balornan agregá na e portafolio digital di Melkar Prepaid Card. Di e manera aki ta generá un oportunidat úniko di integrá aún mas tantu e ‘pòtmòni digital’ di e konsumidó. Empresarionan grandi i chikí por ofresé e opshon di pago di Melkar Pay.
E komersiante di futuro ta bira un ‘merchant’ di Melkar. Pagonan ‘online’ ta birando mas i mas popular i tin un bentaha grandi kompará ku plaka kèsh. Esaki ta motibu tambe ku pagonan via QR code ta wòrdu kada bes mas usá pa klientenan i altamente aseptá pa empresanan ku ke ofresé mas opshon di pago. Ku e método di pago via un QR code, sin tarheta, sin kèsh, i sin kontakto físiko- e kliente por hasi pago fásil i lihé ku un solo ‘klik’. Ademas, e transakshon ta na florin!
E ta funshoná masha simpel: Komo ‘merchant’ mester únikamente pone e QR code na e kaha, òf riba kualke pantaya digital ku tin den e establesimentu. Na momentu ku e kliente habri e aplikashon di Melkar, i ‘scan’ e QR code usando e kámara di su telefon via di e aplikashon, outomátikamente tur detaye di e establesimentu ta wòrdu yená i e kliente por hasi su pago ku un ‘klik’. Fásil, Lihé i Sigur! Pa mas informashon por bishitá www.melkarprepaidcard.com