Mas opshon di pago pa e konsumidó

WILLEMSTAD: Banco di Caribe a risibí hopi reakshon riba e opshon di pago ku Sentoo. E konsumidó ke mas fasilidat di pago i na su turno e komersiante ke ofresé su kliente tur opshon ku tin den merkado. Establesimentunan den un futuro serkano mester por ofresé diferente método di pago, di manera ku e kliente por paga manera é ta deseá; ku sèn kèsh, tarheta débito i krédito, online òf usando QR Code.

Por ehèmpel, ku Sentoo su ‘online check-out’, komersiantenan por ofresé e proseso kompleto di un manera hopi fásil i asina aseptá pago online. E kliente mester djis selektá Sentoo na momento di ‘check-out’ i selektá Banco di Caribe riba e pantaya. Outomátikamente nan ta keda dirigí na nan portal di ‘online banking’ na unda ku ya tur informashon di e kompra i e pago a keda yená. Mester djis klek, konfirmá, i tur kos ta klá! E kliente ta keda outomátikamente dirigí bèk na e pantaya di kompra na unda e mester djis finalisá e proseso. E ‘online checkout’ ta krea un eksperensia fásil i lihé den un ambiente ya kustumbrá di e propio kliente.

Tambe por risibí pagonan lokal ku Sentoo usando un QR Code. E QR Code ta ideal pa por ehèmpel

(e-)invoice, ticket, òf un resibu na restorant. Ta inisiá e proseso di pago dor di scan e QR Code ku un smartphone òf tablet. E montante korekto i referensia di pago ya a keda outomátikamente yená.

Realmente no ta importá kua opshon di pago ku Sentoo bo skohe; importante ta pa bo ofresé un opshon di pago ‘online’ ku ta fasilitá bo klientenan tambe. Tur empresa – grandi òf chikitu- por bin na remarke pa Sentoo. Klientenan empresarial, ku ta deseá di ofresé mas opshon di pago na nan kliente pa nan produkto òf servisionan, por aserká nan ‘account manager’ na Banco di Caribe pa apliká pa e servisio di Sentoo. Si bo no ta kliente komersial di Banco di Caribe ainda i ke bini na remarke pa e servisio aki, por traha un sita ku Corporate Support na corporatesupport@bancodicaribe.com Aktualmente Banco di Caribe ta e úniko banko ku ta ofresé e servisio aki pa kompania lokal na Kòrsou, Aruba i Boneiru.