PRESENTASHON TEATRAL
Ku un danki na nos sponsornan Nationals car rental, Bottles, Lam Yuen, Kloes Kock en Partners, Sixt, Plaza Resort Bonaire, XL rent- a- car i FXDC Communications Izaline Calister ta bini Kòrsou huntu ku e teklista Thijs Borsten pa deleitá e públiko ku e presentashon teatral ‘Isla di mi tata’ (‘Eiland van mijn vader’). E presentashon ta tumá lugá djadumingu 5 di yüni 8’0r na Cas di Cultura Aruba, djaweps 9 di yüni na Plaza Hotel Bonaire 5’or i mei i 8’0r, i na Korsou den Kapel Huize Scherpenheuvel riba djabièrnè 10 di yüni 2022 pa 8’or di anochi i djasabra 11 di yüni 2022 pa 6‘or di atardi.

E magia di Kòrsou ta bai bria den e sala pa medio di kantika, imáhennan i kuentanan eksepshonal di Izaline su tata. Entretantu Izaline su tata a fayesé pero pa medio di e obra di teatro aki su anekdotanan ta keda bibu. Tantu músika di Izaline mes komo músika di entre otro e kompositor popular Yu di Kòrsou Rudi Plaate i e musikonan tradishonal di Tumba ta bai zona.

E presentashon teatral ‘Isla di mi tata’ ta na Hulandes ku kantikanan na Papiamentu. Karchinan ta na benta na balor di 55 florin na Mensing’s Caminada, BamBam Tech Sports Zone (Sambil) i na Bottles. Na Aruba na Cas di Cultura. Na Boneiru na Bottles i Del Mar Boneiru. Tin un kantidat limitá di karchi disponibel kemen no tarda.

KONSIERTO PA FAMIA
E konsierto pa famia ta tuma lugá unikamente na Korsou dia 12 di yüni 2022 pa 5’or di atardi na Brakkeput Mei Mei i ta fasinante pa henter famia. E show lo kuminsa ku presentasion di Jada van Dijk i Explosion Dancers.
‘Bon dia, goeiemorgen’ ta un kolekshon kolorido i variá di kantikanan di mucha di Kòrsou, Aruba i Bonèiru. E kantante Izaline Calister a skohe su kantikanan faborito i ta kanta den su idioma materno Papiamentu variá ku Hulandes. Sea ku esaki ta bira un fiesta di kòrda kantikanan di antes òf deskubrí kantikanan nobo, esaki ta bai bira un dushi anochi pa grandi i chikí. Ban baila i kanta huntu!

Karchinan pa e konsierto di famia ‘Bon dia, goeiemorgen’ ta na benta aktualmente pa 40 florin pa adulto i 15 florin pa mucha na Mensing’s Caminada, BamBam Tech Sports Zone (Sambil) i na Bottles.

TRAYEKTODIFORMASHON MUSIKAL
Djis despues di e konsiertonan, durante aña eskolar nobo, ta kuminsá un trayekto speshal di formashon musikal. Den e trayekto aki ta bai duna impulso na formashon musikal riba e isla den kolaborashon ku ‘Bureau Nascholing’. Izaline ta bai duna un regalo na su pais natal dor di duna tur skol na Kòrsou un buki di prenchi i un CD. Alabes ta bai ofresé trainingnan di músika na dosentenan den kombinashon ku lèsnan speshal na skolnan.

Fundashon de Cultuur Kameleon a hasi su mes disponibel pa kordiná e proyekto aki pa logra forma dosentenan invitá pa asina realisá e deseo di enseñansa. Mei mei di luna di sèptèmber 2022 skolnan por kuminsá registrá via www.stichtingdecultuurkameleon.com Pa e desaroyonan di mas resién, sigui Izaline Calister via Instagram,