Den Fiesta Fina 30 Aprel 2022 na Sambil
Willemstad -Tur kos ta mustra ku djasabra 30 aprel próksimo lo bira un dia realmente grandi na Kórsou, ora ku Show Latinopresenta su siguiente edishon di “Fiesta Fina”.
Esaki lo ta e prome gran evento internashonal p’e aña aki ku presentashon di e artista Bachatero mas kotisa di momento EL CHAVAL den un tremendo fiesta bailabel. El Chaval ta hopi bon konosí na Kórsou pa su eksitonan grandi ku a dal sumamente duru manera entre otro “Estoy Perdido”, “Dónde están esos amigos”. Aktualmente e tin e hitnan “Díle a él” i “Te puedes quedar” ku ta sonando hopi na tur radio emisora lokal.
E grandioso evento aki lo tuma luga riba Sambil Parking Square na Sambil Shopping Mall. El Chaval lo komparti esenario ku nos orguyoso artista lokal internashonal Ephrem J huntu ku su banda i tambe Gentz ku ta e grupo musikal mas kayente na e momentunan aki. Tambe e DJnan Ramil, Jose i BLatino lo interkambia riba e anochi grandi aki. Show Latino no a spar ni ora, ni dia i niun energia i a hasi tur e esfuerso nesesario pa hasi e evento ku El Chaval un echo. I di e manera aki, kumpli ku e soňo di hopi hende di por baila tur nan tremendo eksitonan bíbu riba nos suela.
SAMBIL PARKING SQUARE
Dia 30 di aprel proksimo ta un ambiente uniko lo bai wordu kreá na e luga di Parker amplio aki. For di entrada, e publiko ku lo asisti ta bai sinti un esfera otro for di tur otro ku sigur lo kai na agrado di un i tur presente. For di awor Show Latino ke hasi e petishon pa presenta ku un bon beis pa asina disfruta di tur loke tin prepara pa deleite di uni i tur.
KUMPRA KARCHI NA PREIS SPESHAL 26 MART I GANA UN OUTO
Sambil Parking Square lo keda reparti den diferente sekshonnan kual ta: Sekshon General, Sekshon VIP Mesa, VIP Single i tambe un Sekshon apart di VIP Stage, kual lo ta hopi limita i ubiká rondó di e ensenario.
Mirando e gran interés pa e presentashon di El Chaval, Show Latino ta bai hasi un gesto speshál, djasabra próksimo riba esenario banda di foodcourt na Sambil Shopping Mall. Kuminsando for di 10or di mainta te ku 1or di atardi lo bai bènde karchinan di sekshon General na Fl. 50,– e preis regular ta Fl. 65,–, Sekshon VIP Single Fl. 110,– ku su balor regular ta Fl. 125,– Sekshon VIP Mesa na Fl. 225,-i su balor normal ta Fl. 250,-i Sekshon VIP Stage fl 375,– ku normal ta fl. 400,–. Probechá kumpra bo karchi di entrada na e preisnan super speshal aki riba 26 di Mart i bo tin chéns di gana un outo 0 kilometer. Tuma nota un kantidat limitá di karchi tin na preis redusí, pues esun ku yega promé ta bebe awa limpi. No perde e oportunidat uniko aki pa kumpra bo karchi i asina garantisa bo entrada den Fiesta Fina.