WILLEMSTAD – Ta konosí ku resientemente SGR-Groep tabata víktima di ladronisia i vandalismo. Durante di esaki a hòrta vários kos for di e edifisionan den aria di Klein Hofje. Entre esakinan a hòrta tambe mayoria material ku e klientenan tabata uza pa traha diariamente riba e terenonan.

ASKA Insurances komo kompania di seguro responsabel mesora a opta pa duna un man na SGR-Groep dor di kumpra materialnan nesesario pa asina e klientenan por sigui ku nan trabounan diario. Materialnan manera skòp,harpa, sker grandi pa kòrta mata etc. tabata entre e materialnan ku ASKA regalá SGR.

Un kompania di seguro ta para pa kontinuashon i pa sigurá futuro meskos ku ora un kliente yega pa seguro un outo,su bida i entiero e ta hasi esaki pa futuro.

Di e forma aki ASKA ta aportá na kontinuashon i pa futuro positivo di e trabounan diario ku e klientenan ta ehersé pa asina sigui ku kuido di e aria ku nan ta responsabel di dje.