Djadumingu awor dia 12 di yanüari Grupo Chikitous lo elihi nan Reina di grupo. Esaki lo tuma luga na Because Entertainment Center i e aktividat aki lo kuminsa 3 or di atardi pa terminá 6:30 anochi. Shete kantidata fuertemente bon prepará lo ta den kontienda pa bai ku e título di Reina Chikitous 2014. E kantidatanan ta: Churneline Hoyer, Liyanne Hoevertsz, Guilliandra Jamanika, Ruvienska Koeiman, Rosedamarelijs Sommer, Shervieny Troeman i Sharismé Troeman. Riba e atardi aki lo tin tres presentashon, introdukshon, kombersashon ku un invitado spesial i por ultimo Presentashon di talento Karnavalesko di kua e aña aki e tema ta: “Kuenta nan di ada” Lo bai tin e.o. Kleine Zeemeermin. Assepoester, Kleinduimpje, t’ Lelijke jonge eendje, Sneeuwitje, Gelaarsde Kat i Prinses op de erwt. Lo  bai tin un show bon varia ku diferente presentashon di grupo di baile i kantante. Entrada general lo ta fl. 15,- florin pa pèrsona i por haña karchi serka tur kantidata i si sobra na porta. Bini un bini tur bo apoyá tur nos muchanan.