den e ritmo tan popular kual ta kompa.
Komienso di karera musikal
Nando Chirino, mihó konosí tambe komo ’Juice’, a nase na Kòrsou i tin más ku 30 aña den farándula. Na un edat hóben ela bai biba Hulanda, pero despues di tempu, a disidí di bai muda pa Aruba, unda ela eksperensiá dies aña fantástiko den e mundu musikal. Durante su karera musikal na Aruba, ela kanta entre otro ku Super Orquesta Quasi, Ricochet i OREO. Un kansion ku e tabata hopi popular pe, ta e kansion ‘Bow Palu di Tamarijn,’ un interpretashon di e kantante Rudy Plaate, ku a pega duru na Antia Hulandes. Den fin di añanan 90, Nando a hasi diferente presentashon na Kòrsou ku Super Orquesta Quasi i Oreo di Aruba.
Era di ‘La Fiesta’
Na aña 2002, Nando a bai biba bèk na Hulanda i einan tambe ela sigui desaroyá su mes den músika, i fo’i 2006, e ta forma parti di e banda musikal ‘La Fiesta’ unda e ta e kantante prinsipal. Na 2017 ku e banda ‘La Fiesta’, Nando a estrená un medley di Bob Marley kombinando e ritmo zouk, kizomba i kompa. Na Kòrsou tambe e Bob Marley medley aki a resoná bon. Nando a logra di ta super eksitoso ku e banda ‘La Fiesta,’ ku un akohida enorme na Sürnam i Hulanda. Nando asina a kompartí esenario ku artistanan konosí na Hulanda manera Gerard Joling, Edsilia Rombley, Karin Bloemen, Shirma Rouse, Trafasi, Jayh Jawson, Rolf Sanches, i tambe ku kantante i areglista Stanley Clementina, ku por sierto ta ko-produktor di ‘To Love Somebody’ huntu ku Markkeys Maduro di Aruba. Nando sin duda ta un tremendo kantante i alabes ta un entertainer ku ta deleitá su públiko inmenso durante su presentashon nan.
‘To Love Somebody’
Den e ultimo dos añanan, pa motibu ku no tabata tin hopi presentashon ku e banda ‘La Fiesta,’ Nando a enfoká mas pa presentá komo solista. Asina Nando ta bèk den ‘spot light’ lansando un videoclip di su piesa nobo ‘To Love Somebody,’ un interpretashon di e agrupashon The Beegees, presentá na un forma diferente den estilo di kompa.
Pidi pa ‘To Love Somebody’ na tur radio popular of kanal di televishon riba bo isla i chèk e video clip riba Nando Chirino su kanal di YouTube
Nando Chirino – To Love Somebody (Kompa Style) [Official Music Video] – YouTube