Riba Dia di San Valentino, United Sugar Trading Company a hasi entrega di 700 bòter kòrá ku blanku di HATSU iced-tea komo muestra di apresio na enfermeronan di CMC. Representante di HATSU a komentá, ku ta e deseo máksimo pa demostrá gradesimentu na e personal di kuido ku a bin ta hasi un trabou impagabel i a hasi esaki ku HATSU iced-tea, kual tabata perfekto pa Dia di San Valentino. HATSU ta konosí pa su bòternan stylish ku ta identifiká un estilo di bida saludabel, ademas nan ta masha atraktivo pa mira. HATSU ta bin ku – òf sin suku, i ta ideal pa un dieta balansá. Riba foto athunto por mira momentu ku a entregá 700 bòter di HATSU, repartí den 125 kaha. DANKI na tur enfermero(a) pa boso dedikashon. Disfrutá di HATSU!