Komo parti di CAP su esfuerso kontinuo pa mehorá e eksperensha na èrport

Curaçao Airport Partners (CAP) ta hasi kontinuamente esfuerso pa mehorá e eksperensha di e bishitante I usuarionan di nos èrport.   CAP den e kuadro aki ta realisando un kantidat di proyektonan notabel den 2014.  Entre e proyektonan aki tin ponementu di erko den a área kaminda ta check-in i e area asina yama “Security Processing Area i introdukshon di  Curaçao Airport Plaza kaminda lo bin  mas tienda dilanti di e terminal. CAP banda di e proyektonan aki ta revitalisando transportashon na èrport inkluso taksinan, shuttle bùsnan i konseshonarionan ku ta hür outo.  E proseso aki ta importante i lo ta un di e promé pasonan den kuadro di ekspanshon di e terminal i otro proyektonan di mehorashon ku ta programá pa kuminsá den futuro serkano.  Ku e oumento di e tráfiko di pasaheronan i e mehorashon di e terminal,transporte kunbiniente, sigur i ofresé na un manera organisá ta esensial.  CAP ta den negosiashon pa perkurá ku e ta sigurá servisio na bishitantenan dor di proevedonan ku tin un akuerdo ku CAP, ku tin e pèrmitnan nesesario manera p.e. pèrmit pa transportá pasahero,seguro banda di tin un aktitut kordial. E struktura nobo di transporte na èrport lo keda implementá na fin di mart 2014.