Asosiashon di Gruponan di Karnaval Kòrsou (AGKK) ku koperashon di Kas di Kultura i  sosten di  Gobièrnu di Kòrsou a skohe pa hasi e apertura di Karnaval 2014 grandi. Djasabra 11 di yanüari 2014, for di 6or di atardi lo tin tremendo animashon di DJ RO-1 i diferente stènt ku kos di kome, bebe i mas na Waaigat. Tambe lo tin un tremendo Jump-Up ku 2 di e bandanan mas popular di Kòrsou: Gio i Dreams. E Jump-up ta sali 7or di anochi for di área di SunScape Resort (kaminda ántes tabata Breezes Hotel) bai kaba na Waaigat. Karchinan ta kosta fl. 25,-  i ta optenibel na Tik Tak, Mensing’s Caminada i Beep Beep. Buska Bo t-shirt na Ofisina di Karnaval na De Rouvilleweg 67, djabièrnè 10 yanüari di 17.00 pa 22.00 pm i djasabra 11 yanüari di 09.00 pa 16.00. Bini unu bini tur bin djùmp i habri nos temporada di Karnaval 2014. Pasobra ku Kòrsou na mente, nos Karnaval ta ekselente!!!!.