Willemstad, Kòrsou – Landsloterij a ranka sali ku e di dos edishon di nan proyekto di fin di aña Hope & Joy. Djasabra 4 di desèmber E tim di Landsloterij a yena un bus kompletu ku regalito pa parti den diferente bario di Kòrsou.  Ku yudansa di e hóbennan dinámiko di Happy Villa, e tim di Landsloterij a kore rònt den diferente bario i regalá e muchanan bala di futbòl, pelucho i un tarheta di Pasku ku nan mes por klùr i entrega na un ser kerí.

E tim a bishita diferente bario, manera  Julian, Buenavista, Koraalspecht, pero tambe a bishita entre otro vèlt di Muizenberg, Vesta i Scouting na Emmastad  i  Santa Maria kaminda a hasi un gran kantidat di mucha i hóben kontentu. 

Na aña 2020 Landsloterij a lansa e proyekto “Hope & Joy” pa trese alegria i speransa na pueblo di Kòrsou. henter luna di desèmber, e team di Landsloterij lo ta den kayanan di Kòrsou hasiendo diferente gesto bunita i ke inspirá pueblo pa sigui kompartí alegria e fin di aña aki.  

Pa mas informashon over di Landsloterij i e Proyekto “Hope & Joy” bishitá nos website www.landsloterij.org, nos página di Facebook, sigui nos riba nos paginá di Instagram òf nos página di youtube @landsloterijTV.