Un eksperensia di kompra diferente
WILLEMSTAD – Djabièrnè awor Kòrsou tambe lo ta den gara di Black Friday i antisipando e dia di deskuento deskomunal, Renaissance Mall & Rif Fort ta invitabo pa bishitá i probechá di vários ‘deal’ fantástiko durante 2 dia; Djabièrnè i Djasabra. Lo tin entretenimento ‘live’ di Dj Dorene for di 13:00 pa 17:30 riba djabièrnè i djasabra. Renaissance Mall & Rif Fort ta konosí pa ofresé un eksperensia di kompra trankilo, relahante i totalmente sigur pa e tempu ku nos ta bibando. Diferente establesimentu lo tin nan respektivo spesial di te ku 60% di deskuento. Bishitá Renaissance Mall i kumpra, kome, bebe, keiru i pasa un ratu ameno den ambiente di kompra pa fin di aña.
Asina por menshoná ku por ehèmpel Urban Society lo tin deskuentonan di te ku 60%, i MOMCo Lifestyle Store lo tin preisnan chikitu kuminsando for di 1 florin! Otro establesimentunan manera Manoj i Guess lo tin te ku 60% di deskuento i hopi artíkulo na preisnan atraktivo kuminsando for di 25 florin. Mango i Quinta Valentina lo tin nan ‘Black Friday Sale’ henter siman ofresiendo te ku 50% di deskuento. Ofertanan di Quinta Valentina lo ta bálido te dia dia 27 i di Mango te dia 28 di novèmber. Renaissance Mall ta invitabo bishitá Franca Leuzzi i Nautica ku lo ofresé te ku 70% di deskuento, Heinen Delfts Blauw Curaҫao, Swatch Curaҫao ku lo tin spesial riba diferente oloshi, Sunspecs ku lo ofresé te 50% riba Black Friday i Cariloha ku lo ofresé 35% riba tur sèt di laken i sèrbètè, ideal pa e kambio di aña! Penha lo ofresé te ku 60% deskuento riba perfume, kosmétika i artíkulo di kuido personal. Tambe ta invitabo bishitá Diamonds International ku lo tin spesial riba joya Tanzanite i na kada kompra lo bo haña un hanger di Tanzanite ku un kadena Omega grátis. Na Starbucks lo bo por disfrutá henter e wikènt benidero di un ‘2 for 1 special’ riba ‘grande size Passion Fruit Frappuccino’. Tambe, Freeport Jewelers lo tin un promoshon spesial riba Pandora. E promoshon na Freeport Jewelers lo sigui te ku dia 30 di novèmber próksimo.
Un eksperensia di kompra kompletu!
Tene kuenta ku establesimentunan lo ta habrí te ku 6’or di atardi. Ora ku e dia di kompra terminá, lo sigui ku e ambiente den Rif Fort – Happy Hour ku Gino & Friends riba djabièrnè- tambe por disfrutá di un eksperensia kulinario diversifiká, bebe un kòktel na un di e numeroso barnan òf purba e suerte na Wind Creek Carnival Casino!