WILLEMSTAD: Digicel Kòrsou ta anunsiá e lansamentu di su ret di internèt fiho na Kòrsou. E implementashon di e ret a bin ta tuma lugá durante di e último tres lunanan i den kombinashon ku e ret di Fibre Optic eksistente a bin ta duna kobertura na kasnan di famia i kompanianan den tur skina na Kòrsou.

E trayekto di internèt fiho di Digicel Kòrsou a kuminsá na yüli  i resientemente a kuminsá ku komersialisashon di e servisionan. Den transkurso di 2022 i 2023 Digicel ta planiá pa ekspandé su ret na sitionan ku lo rekerí kapasidat adishonal, òf na unda ku tin konstrukshon di bibienda tumando lugá den áreanan previamente no habitá. Sinembargo, e ret aktual a keda diseñá pa komplementá e ret eksistente di fibra óptiko i ofresé servisio konfiabel i aksesibel na siudadano- i empresanan rònt Kòrsou. E ret nobo ta konektá na e fibra óptiko di kapasidat haltu di Digicel, ku ta e ret prinsipal ofresiendo un servisio konfiabel i konsistente. E trabounan ta kontinuá; Digicel ta ekspandiendo su ret di fibra óptiko penetrando den tur bario na Kòrsou, e ekspanshon spesífiko aki ta proyektá pa 2022.

CEO di Digicel, Roeland Van der Hoeven ta indiká: ‘Esaki ta un logro importante pa Digicel i pa pueblo di Kòrsou. Tur hende na Digicel ta orguyoso di por hasi e invershon aki, ku lo trese e benefisio di internèt fiho na kasnan di famia ku aktualmente no tin akseso na servisionan di banda hanchu, i ku ta ta haña nan mes fòrsá ta paga tarifanan mensual hopi haltu. Nos ret ‘wireless’ di banda hanchu lo benefisiá klientenan direktamente i inmediatamente. Ademas, e lo yuda krea kuponan di trabou, stimulá inovashon i fortalesé komunidat di Kòrsou.’