Dia 15 di òktober a ser proklamá den aña 1970 komo dia internashonal di stòki, un selebrashon ku ya ta tumando lugá pa mas ku 50 aña.

Ku e stòki ta referí na esun ku strepi kòrá ku blanku ku personanan ku limitashon di bista ta usa.

Tur aña, Fundashon Pro Bista ta pone atenshon riba e dia aki.

Den 2021 Fundashon Pro Bista ta para ketu na guia i trayekto ku su klientenan por risibí riba e tereno aki. Esaki ta enserá pa por trafiká i ta mas independiente posibel riba nos kareteranan, den transporte públiko, skolnan, barionan, instansianan di gobièrnu i tur otro establesimentu.

Den pasado Fundashon Pro Bista a para ketu na diferente aspekto por ehèmpel.

•  infrastruktura di karetera, Punda i Otrabanda i a entrega konseho di adaptashon na e ministerio di VVRP.
• A forma parti di transporte públiko ABC busbedrijf i a duna konseho pa esaki ta mas efektivo.
• A hasi rekorido na CMC i a entrega un reportahe ku konseho.
• A asta hasi uso di diferente establesimentu( pakus, restorant, sine) i a informá e komersiantenan kiko i kon por alsa e servisio pa hende nan ku un limitashon visual.

Pues aña aki Fundashon Pro Bista ta para ketu riba realisashon di e kliente, ku no ta solamente e adaptashon ta nesesario pa sinti nan mes ábil pa forma parti di e komunidat, sino tambe e guia pa nan mes ta responsabel pa nan éksitonan. Pues konfrontá e miedu, tin balor propio i tuma inisiativa pa logra nan metanan. Paso bida ta kambia i no a kaba pero simplemente kambia!

Bibando den bèrdat i amor e grupo di kliente ku ta hañando guia di orientashon i mobilidat ta bai para ketu na nan mes posishon den komunidat i ki kambio nan mes por trese den nan bida pa tin satisfakshon propio.