Willemstad, Ougùstus ultimo Elisa Academy a habri su portanan pa tur persona interesa den teatro i aktuashon aki na Kòrsou.

E ta un akademia di teater pa mucha i hende grandi, kaminda ta duna diferente aspekto teatral manera aktuashon, proyekshon di stèm, postura di kurpa riba esenario, skibi tekstonan teatral, formashon personal i naturalmente presenta dilanti di publiko i hopi mas.

Aktualmente nos tin tres kurso diferente tumando lugá; mucha di 5 pa 11 aña, 12 pa 17 aña i 18 pa 30 aña di edat. Elisa Academy a tuma nota ku tin hopi persona 50+ interesá den kurso di aktuashon. Pa e motibu ei a disidi di kuminsa un kurso mas pa e grupo di enfoke aki.

Inskripshon a habri pa tur esnan interesa. Dia 5 di Òktober e kurso di aktuashon lo kuminsa i lo tin un durashon di 6 luna i na final lo bai tin un presentashon grandi pa públiko en general.

Nunka no lat pa hasi bo soñonan realidat i pa bo aktua no tin edat. Richailine Elisa lo ta dosente enkarga ku e kurso aki. Inskripshon ta kosta ANG 25,- i por iskribí for dia awe mes.

Pa mas informashon tokante di e lèsnan i pago mensual por tuma kontakto na +5999 520 8338 of via info@elisaacademy.com

Por haña nan tambe via e pagina website www.elisaacademy.com i riba instragram @elisa.academy i Facebook Elisa Academy