Dos artista di Kòrsou i kada unu tòp den nan diferente género a uni pa lansa un kansion riba nos merkado lokal. E kansion ku nan ta trese ku Cedric a komponé i areglá e biaha aki ta un kansion romántiko i sentimental. 

E título ta “Song for a lovely Lady” i ta trata e tema di un romanse ku di un òf otro manera no por kristalisá òf kristalisá mas. (Dependé fo’i ki punto di bista di kada oyente).

Ta un bunita balada ku un tema i letra ku ta konmové i ku hopi por rekonosé den nan bida. 

E ta hopi bunita interpretá dor di Tony Shearman. E ritmo ta un balada R&B moderno i e koronan final manera nos por ferwagt di Cedric tin su influensia di jazz. 

Ta rekomendabel pa skucha, mira i buska e bunita kansion/video aki.