Despues di Canada i Spaña, Kòrsou tambe por disfrutá di e charla di arte ku presentashon di un eksperensia oudiovisual di Eveline Kolijn, “The Ocean Inside”. Ku hopi inspirashon saká for di mikrobiologia, e artista aki a sa di pensa un manera pa por trese naturalesa i arte huntu. Biba gran parti di su hubentut na Kòrsou.  Esaki a kontribuí hopi na su pashon pa naturalesa i partikularmente na e osean laman grandi. Lo instalá un proyekshon  gráfiko den e Katedral di Sumpiña, kaminda lo presentá “ The Ocean Inside”. E pantaya di proyekshon ta traha na man di e artista mes i ta imprimí ku puiru di mica, partíkula di pèrla di glas. Tur eskulturanan presentá, ta traha pa Kolijn entre otro na Kòrsou, i ta mustra e importansia di laman pa nos ser humano. Lo ta bai tin kuota na diferente lenguahe durante e pelíkula manera Papiamentu, Spañó, Hulandes, pero tambe lenguahe indígena, ku ta sostené e eskultura i tambe e mensahe ku ke trese dilanti.

“mi ta traha arte ku ta papia ku emoshonnan. Bo por siña kasi tur kos, pero si bo no por sinti e arte, e ora ei bo no tin nada na dje. MI arte ta bai tokante tur problema di medio ambiente, i kon nos tur ta mara ku “The Web of Life”. E konekshon aki ta un kombinashon di konosementu, komprendementu i sintimentu.

Manera, bo tabata sa ku planktòn den laman ta produsí solamente mitar di nos oksígeno na mundu? En realidat, praktikamente kada di dos rosea ku bo hasi ta traha dor di laman”

Na e base di e arte ku Evelin Kolijn ta traha, tin e palabranan di Aristoteles: “Educating the mind, without educating the heart, is no education at all”. Aki ` ta mira e importansia di arte i kreatividat ku nos mester den e tempunan aki amplia maneranan di pensa. Ku e mes un pensamentu tambe a traha Katedral di Sumpiña.

 Fecha: Djasabra 18 di Sèptèmber 2021

Inisio: 19.00

Kuminsá/Terminá: 19.30-21.30

Entrada: Grátis