Willemstad, Kòrsou– Despues di lunas di preparashon i diferente dia di grabashon Djadumingu 18 di Julï a finalisá ku produkshon di e pélikula kòrtiku “Perspektiva” produsí pa Impact Creative Agency.

Perspektiva ta un drama di akshon di un mener ku su bida ta bira ariba abou ora ku su chèf  menasé dor di kit’é for di trabou den un temporada ku hopi hende tin’e difisíl. 

E pélikula kòrtiku aki ta dirigí pa Rovendley Welvaart ( Ganadó mihó pélikula kòrtiku CIFFR 2017 ) , E eskritor di e pélikula ta Malcolm Damiana, Cinematografiá dor di Angelo Lourens ( Ango Films) i produsí pa Michenou Paz di Impact Creative Agency. Protagonistánan di e pélikula ta Malcolm Damiana( Spiritu Den Kloof), Shenyo Bokshoven (De Droevige Kampioen) i tambe Laetitia Picus ( Ai Tata)

“Mi ta super kontentu di por dirigí e historia aki huntu ku un tremendo cast i crew i mi ta kere Kòrsou i mundu kompletu lo ta impreshoná di kon e historia ta hinká den otro i kon e ta tenebu den un suspenso for di kuminsamentu te final. 

“Rovendley”

Awor aki a pélikula a drenta su fase di “post production” kaminda lo editá,komponé músika, adapta kolo i i ahustá zonido. Pa mas informashon di e produkshon di e pélikula aki tuma kontakto ku nos na Contact@impactavp.com