un Volkswagen Fox Connect 2021

Willemstad – Komo spònser ofisial di UEFA Euro Cup Fùtbòl, Coca-Cola Kòrsou huntu ku su spònser prinsipal Volkswagen Curaçao a trese komunidat den moveshon durante nan kampaña ‘Tapa di Oro’. E kampaña a resultá den míles di lòt ku partisipantenan a yena pa por haña chèns di gana e premio mayó un Volkswagen Fox Connect 2021. Sinembargo notario Kleinmoedig por a saka un solo ganadó i p’esei e premio mayó a bai pa señor Garry Ritter.

Durante e seremonia ofisial di entrega di e premio mayó ku a tuma lugá na Volkswagen Kòrsou e ganadó, den presensia di su kasá i dos yu, a risibí e yabi di un outo Volkswagen Fox Connect 2021 nobo nobo. Komo sorpresa adishonal señor Ritter a risibí tambe un aña di seguro di outo di BSure serka Maduro & Curiël’s Insurance Services. Volkswagen Kòrsou a regla tambe e number di outo di moda ku pronto por kore e outo den tur seguridat.

Mas o ménos dos luna largu Coca-Cola a organisá un EK promoshon na Kòrsou i Boneiru den kua ta invitá konsumidónan pa kambia e tapanan di oro, ku ta forma parti di e produktonan di Curaçao Beverage Bottling Company produsí lokal, pa produktonan ofisial di Coca-Cola Euro Cup.   

Kampaña prolongá

Konsumidónan tin te fin di luna chèns pa troka e tapanan di oro ku nan a spar pa e produktonan ofisial di Coca-Cola Euro Cup, manera tas, sèrbètè di laman, futbòl i glas. Despues di entrega di e outo e sentro di kambio na Volkswagen a sera. Pero Sambil Shopping Mall ta keda habrí te djasabra 31 di yüli awor. E orarionan ku ta habrí ta keda mesun kos, esta di djárason te ku djadumingu di 1’or di mèrdia te 8’or di anochi.

Mas informashon tokante e kampaña por lesa riba facebook/CocaColaCuracao.